काठमाडौँ । नेपाल बैंकर्स संघ र नेपाल बीमक सङ्घबीच सहकार्य गर्दै अघि बढ्ने सम्झौता भएको छ । उक्त कम्पनीहरूबीच सूचना, तथ्याङ्क, ज्ञान, सीप, क्षमता र अन्य स्रोतहरू आदानप्रदानमा सहकार्य गर्दै अघि बढ्ने सम्झौता भएको हो ।
सो सम्झौताले वाणिज्य बैंक, बीमा क्षेत्र लगायत समग्र वित्तीय क्षेत्रको विकासको लागि थप सहयोगी भूमिका निभाउने विश्वास लिइएको छ ।
त्यस्तै, सम्झौतापत्रमा नेपाल बैंकर्स संघका तर्फबाट संघका अध्यक्ष सुनिल केसी र नेपाल बीमक संघका तर्फबाट संघका अध्यक्ष चंकी क्षेत्रीले हस्ताक्षर गरेका हुन् ।
