काठमाडौँ। भारतीय रिजर्भ बैंक (आरबीआई) ले वित्तीय कारोबारको लागि एटीएम इन्टरचेन्ज शुल्कमा २ रुपैयाँ र गैर वित्तीय कारोबारको लागि १ रुपैयाँ वृद्धिलाई अनुमोदन गरेको छ। मे १, २०२५ देखि आफ्नो बाहेक अन्य बैंकहरूको एटीएमबाट नगद झिक्दा महँगो हुने आरबीआईले जनाएको छ।
आरबीआई र राष्ट्रिय भुक्तानी निगम (एनपीसीआई) ले व्यापार दिगोपन सुनिश्चित गर्न नगद निकासीको लागि एटीएम इन्टरचेन्ज शुल्कमा २ रुपैयाँ वृद्धिलाई स्वीकृत गरेको हो । यी संशोधित शुल्कहरू मे १ देखि लागू हुनेछन्।
आरबीआईले एटीएम इन्टरचेन्ज शुल्कमा वृद्धिलाई अनुमोदन गरेको बताइएको छ, जसको अर्थ ग्राहकहरूले आफ्नो नि:शुल्क कारोबार प्रयोग गरेपछि बैंकहरूले बढी शुल्क लिनेछन्। एटीएम निकासी चाँडै नै महँगो हुनेछ ।
कार्ड जारी गर्ने र एटीएम सञ्चालन गर्ने बैंकहरूबीच लगाइएको यो शुल्कले अन्तत: ग्राहकहरूको बैंकिङ खर्चलाई असर गर्छ। हाल, बेंगलुरु, चेन्नई, हैदराबाद, कोलकाता, मुम्बई र नयाँ दिल्लीका खाता धारकहरूले आफ्नो बैंकको एटीएममा मासिक पाँच र अन्य बैंकहरूको मेसिनमा तीन नि:शुल्क कारोबार गर्न सक्छन्।
आरबीआईको तथ्यांकअनुसार भारतले जनवरी २०२५ सम्ममा दुई लाख १६ हजार सात सय ६ एटीएम सञ्चालन गरेको थियो।
