सानिमा बैंकको एटिएम मेशिनबाट पैसा चोर्ने दुइ जना पक्राउ, बैंकले सुरक्षामा ख्याल नगर्दा घट्यो घटना !

सानिमा बैंकको एटिएम चोरी

मङ्गलबार, २४ पुष २०७५    बैंकिङ संसार सम्बाददाता



सानिमा बैंकको एटिएम मेशिनबाट पैसा चोर्ने दुइ जना पक्राउ, बैंकले सुरक्षामा ख्याल नगर्दा घट्यो घटना !

बैंकिङ संसार  

काठमाडौँ- सानिमा बैंकको एटिएम मेशिन चोरी गर्नेहरुलाई प्रहरीले पक्राऊ गरेको छ । भक्तपुर सूर्यविनायक नपा–७ स्थित सानिमा बैंकको एटिएम मेशिन फोरी चोरी गरेको आरोपमा प्रहरीले दुई जनालाई पक्राउ गरेको हो । पक्राउ पर्नेमा काभ्रे तेमाल गाउँपालिका–२ सस्र्युखर्क घर भई हाल काभ्रे बनेपा बस्ने ३९ वर्षीय रमेश पाण्डे र सूर्यविनायक नगरपालिका–६ का २६ वर्षीय दिनेश सुकुभुटू रहेको महानगरीय प्रहरी वृत्त जगाती भक्तपुरले जनाएको छ ।

बैंकले दिएको उजुरीका आधारमा दुबै जनालाई पक्राउ गरी आवश्यक अनुसन्धान शुरु गरेको महानगरीय प्रहरी परिसर भक्तपुरका प्रहरी नायब उपरीक्षक रेवतीरमण पोखरेलले जानकारी दिएका छन् । यता स्थानीयले भने बैंकले सुरक्षामा ख्याल नगर्दा यस्तो घटना घटेको आरोप लगाएका छन् । थप अनुसन्धान भइरहेको प्रहरीको भनाइ छ ।


Tags : #सानिमा बैंक #अपराध #एटिएम #चोरी

प्रतिकृया दिनुहोस