काठमाडौँ । सानिमा बैंक मान्म शाखाले विद्यालयमा वित्तीय साक्षरता कार्यक्रम सम्पन्न गरेको छ । बैंकले ‘ग्लोवल मनि विक २०२५’ को अवसरमा मंगलबार खाँडाचक्र नगरपालिका वडा नम्बर १ स्थित पञ्चदेव माध्यामिक विद्यालयमा, ‘डिप्लोमा इन सिभिल इन्जिनिरिङ’ संकायमा अध्ययनरत विद्यार्थीहरुमाझ वित्तीय साक्षरता सम्बन्धी कार्यक्रम सम्पन्न गरेको हो ।
कार्यक्रममा विद्यालयका प्रधानाध्यापक चन्द्र प्रसाद कोइरालाले सानिमा बैंकले जिल्लामा छिटो, छरितो तथा सरल र सुलभ तरिकाले दिएको सेवाप्रति प्रसंशा व्यक्त गरेका थिए।
साथै, अबको नयाँ प्रविधियुक्त युगमा विद्यार्थीहरुलाई वित्तीय साक्षरता सम्बन्धी ज्ञान अपरिहार्य रहेको पनि जनाएका छन् । कालिकोटमा सान्नित्रिवेणी गाउँपालिका र सदरमुकाम मान्ममा गरी बैंकका दुईवटा शाखा रहेका छन् ।
कार्यक्रममा ‘अनुसरण गर्नुअघि सोचौँ, भोलिका लागि बुद्धिमानीपूर्ण वित्तीय निर्णय गरौँ । अरुका कुरा सुनौँ तर आधिकारिक कुरा सुनि मात्र स्वविवेकले निर्णय लियौं’ भन्ने मूल नारा रहेको थियो।
