काठमाडौँ । सिटिजन्स बैंक महेन्द्रनगर शाखाले विद्यालयलाई १ थान प्रोजेक्टर सहयोग प्रदान गरेको छ । सुदुरपश्चिम प्रदेशको भिमदत्त नगरपालिका-१०, सुकासाल कञ्चनपुरमा रहेको महेश्वर माध्यमिक विद्यालयमा अध्ययनरत विद्यार्थीहरुलाई बैंकले १ थान प्रोजेक्टर सहयोग प्रदान गरेको हो ।
बैंकले पठनपाठनमा अभिवृद्धि गराउनको लागि सामाजिक उत्तर दायित्व कार्यक्रम अन्तर्गत प्रोजेक्टर सहयोग गरिएको जनाएको छ ।
सो विद्यालयमा न्युन परिवारिक आय भएका विद्यार्थीहरु अध्ययनरत रहेको र सामाजिक उत्तरदायित्व कार्यक्रम अन्तर्गत बैंकले विद्यार्थीहरुको पठनपाठनमा सहयोग पुगोस् भन्ने उद्देश्यले विद्यालयलाई प्रोजेक्टर सहयोग गरेको महेन्द्रनगर शाखाका शाखा प्रमुख शंकरप्रसाद जोशीले बताएका छन् ।
कार्यक्रममा शाखा प्रमुख जोशीले १ थान प्रोजेक्टर विद्यालयलाई हस्तान्तरण गरेका हुन् ।
