काठमाडौँ। नेपाल राष्ट्र बैंकले बैंकहरुको मुद्दति निक्षेपमा लगानी गर्ने भएको छ। बैंकहरुको मुद्दति निक्षेपमा २४ अर्ब ८३ लाख रुपैयाँ बढी लगानी गर्ने भएको हो ।
राष्ट्र बैंकको विभिन्न कोषमा रहेको २४ अर्ब ८३ करोड ६७ लाख रुपैयाँ बैंकहरुको मुद्दति निक्षेपमा लगानी गर्न लागिएको हो। जसका लागि कात्तिक १० गते राति १२ बजेसम्म ब्याजदर प्रस्ताव गर्न राष्ट्र बैंकले बैंकहरुलाई आग्रह गरेको छ।
कुल रकममध्ये राष्ट्र बैंकले वाणिज्य बैंकमा १९ अर्ब ८६ करोड ९४ लाख रुपैयाँ, राष्ट्रियस्तरका विकास बैंकमा ३ अर्ब ७२ करोड ५५ लाख रुपैयाँ र राष्ट्रियस्तरका वित्त कम्पनीमा १ अर्ब २४ करोड १८ लाख रुपैयाँ मुद्दति निक्षेपका रुपमा लगानी गर्नेछ।
यो लगानी सन् २०२६ नोभेम्बर २ देखि २०२७ नोभेम्बर २ सम्म ३६६ दिनका लागि हुने केन्द्रीय बैंकले जनाएको छ।
