Muktinath Bikas Bank

कारवाही कारण

बैंकको भवन निर्माण प्रयोजनका लागि गठन गरिएको भवन निर्माण समितिको संयोजकका रूपमा सञ्चालक समितिका अध्यक्ष भरतराज ढकाल स्वयं सहभागी भएको पाइएको। जबकि बैंकको एकीकृत निर्देशन अनुसार सञ्चालक समितिका अध्यक्ष कुनै पनि आन्तरिक समिति वा उपसमितिमा सदस्य वा संयोजक हुन नपाइने स्पष्ट व्यवस्था रहेको छ। उक्त व्यवस्था विपरीत अध्यक्षले भवन निर्माण समितिको संयोजकको भूमिका निर्वाह गरेको राष्ट्र बैंकको निरीक्षणबाट पुष्टि भएको हो।

कारवाही विवरण

सञ्चालक समितिका अध्यक्ष भरतराज ढकाललाई सचेत गराइएको।

कारवाही कारण

विपन्न वर्ग कर्जाका ग्राहकबाट शुल्क उठाएर ग्राहक संरक्षण कोषमा जम्मा गरेको रकम कम्पनी ऐनको दफा ६३, ग्राहक संरक्षण कोष सञ्चालन कार्यविधि, २०७७ तथा संस्थागत सुशासनको मर्म र भावना विपरीत प्रयोग गर्ने निर्णय गरेको । उक्त रकम ऋणी ग्राहक समुदायको सामूहिक हित नहुने अन्य प्रयोजनमा खर्च गरेको । पछि रकम फिर्ता गरे पनि सो विषयमा सावधानीपूर्वक जानकारी नगराएको, र ग्राहक संरक्षण कोषको प्रयोगसम्बन्धी निर्णयले वित्तीय संस्थाका निक्षेपकर्ता तथा सर्वसाधारणको हित विपरीत असर पर्ने देखिएको ।

कारवाही विवरण

सञ्चालक समिति, सञ्चालक समितिका अध्यक्ष र प्रमुख कार्यकारी अधिकृतलाई सचेत गराइएको।

कारवाही कारण

वास्तविक धनी (Beneficial Owner) पहिचान गर्ने संरचना स्थापना नगरेको। Ongoing Due Diligence सम्बन्धी व्यवस्था प्रभावकारी रूपमा कार्यान्वयन नगरेको। सम्पत्ति शुद्धीकरण सम्बन्धी एकीकृत निर्देशन, २०८० को व्यवस्था उल्लङ्घन गरेको।

कारवाही विवरण

रु. १० लाख नगद जरिवाना।