![# Rastriya Banijya Bank](https://blogger.googleusercontent.com/img/b/R29vZ2xl/AVvXsEgoo0LWVPlZim5_NZuytSSHgRuOrQAN3etrvQV7sq1ng4SZ39BHgX02N-xcLkoFTzHCzbWWCuEVL-yJ94hS_-BsZKSRmwcVRmUQU4Oi-7s7JF2dJAe8Tzz2N1aMzeS0xdJL78_j1PgX6uds/s16000/RASTRIYA-BANIJYA-BANK.jpg)
- बैंकिङ संसार
काठमाडौं । राष्ट्रिय वाणिज्य बैंक लिमिटेडले आफ्ना ग्राहकहरूलाई मोबाईल नम्वर अपडेट गराउन आग्रह गरेको छ । बैंकले प्रयोगमा नआएको मोबाइल नम्बर बैंकमा जानकारी गराई नयाँ प्रयोग गरेको मोबाईल नम्बर बैंकमा अपडेट गराउन आग्रह गरेको हो ।
बैंकले ग्राहकहरूले बैंकमा रजिस्टर गरेको मोबाइल नम्बर ६ महिनादेखि प्रयोग गरिएको छैन भने तुरुन्तै आफ्नो बैंकमा जानकारी गराई आफूले प्रयोग गरिरहको नम्बर अपडेट गर्न सम्पूर्ण ग्राहकहरूलाई अनुरोध गरेको छ ।
दूरसञ्चार सेवा प्रदायकहरूले ६ महिनासम्म प्रयोगमा नआएका सिम कार्डहरू पुनर्जारी गरी अन्य प्रयोगकर्ताहरूलाई हस्तान्तरण गर्ने प्रावधान ल्याएको छ । यसकारण बैंकले ग्राहकहरूलाई नम्बर अपडेट गर्न अनुरोध गरेको बताएको छ ।
![](https://blogger.googleusercontent.com/img/b/R29vZ2xl/AVvXsEhV9n4kNVm1_68xA511O8F1SWxRqCPO6qMrR4o56f7tLyN01qSZSZ4mcymt8Q-uib33Vk9Os2gxol_8Lara-S249MuiqICazp7PbBLBroKGn6OPFWC1ZT95muDxOzE_Cj-bKqMeA20vivke/s16000/4.jpg)