काठमाडौँ। हिमालयन लघुवित्त वित्तीय संस्थाले गत आर्थिक वर्ष २०८१-८२ को चौथो त्रैमाससम्मको वित्तीय विवरण सार्वजनिक गरेको छ। लघुवित्तले सार्वजनिक गरेको विवरण अनुसार कम्पनीले ९ करोड १७ लाख रुपैयाँ नाफा आर्जन गरेको छ।
समीक्षा वर्षमा संस्थाको वितरणयोग्य मुनाफा ६ करोड ३१ लाख रुपैयाँ रहेको छ भने संस्थाको लाभांश क्षमता १९.७६ प्रतिशत रहेको छ। संस्थाको सञ्चालन मुनाफा बढेर १३ करोड ११ रुपैयाँमा भएको छ। अघिल्लो वर्ष कम्पनीको सञ्चालन घाटा ३५ लाख ४ हजार रुपैयाँ थियो।
गत आर्थिक वर्षमा संस्थाले ३५ करोड ३० लाख रुपैयाँ ब्याज आम्दानी गरेको छ। अघिल्लो वर्ष संस्थाले २२ करोड २७ लाख रुपैयाँ ब्याज आम्दानी गरेको थियो। ब्याज आम्दानी ५८.५० प्रतिशतले बढेको छ। त्यस्तै, चुक्तापुँजी ३१ करोड ९८ लाख रुपैयाँ रहेको संस्थाको रेटिन्ड अर्निङ र रिजर्भको आकार बढेर क्रमश: ६ करोड ३१ लाख रुपैयाँ र ११ करोड ९२ लाख रुपैयाँको उचाइमा पुगेको छ।
यता कम्पनीको खराब कर्जा अनुपात (एनपीएल) बढेर ५.३३ प्रतिशतमा पुगेको छ भने प्रतिसेयर आम्दानी (ईपीएस) बढेर २८.७० रुपैयाँ कायम भएको छ।
