काठमाडौँ । मुक्तिनाथ विकास बैंकले वृक्षारोपण कार्यक्रम सम्पन्न गरेको छ । बैंकले इलाम र महोत्तरीमा वृक्षारोपण कार्यक्रम सम्पन्न गरेको हो ।
बैंकले सामाजिक उत्तरदायित्व अन्तर्गत इलाम चियाबारी पाटेनागी ७ मा करिब २५० वटा तथा महोत्तरीको बर्दिबास नगरपालिका ६ किसननगरमा १ सय वटा कागतीका बिरुवाहरू रोपेको हो ।
हरियाली प्रर्वद्धनका लागि आयोजना गरिएको उक्त कार्यक्रममा बैंकका कर्मचारीहरू, अभियानकर्ता तथा स्थानीय नगरवासीहरू पनि सहभागी रहेका थिए ।
सो कार्यले हरियाली अभियानद्वारा वातावरणीय सन्तुलन तथा जलवायु परिवर्तनविरुद्ध लड्न योगदान पुग्ने बैंकको विश्वास छ ।
