काठमाडौँ। स्रोत नखुलेको रकमसहित दुई जना पक्राउ परेका छन्। ५५ लाख ९० हजार रुपैयाँसहित प्रहरीले दुई जनालाई पक्राउ गरेको हो ।
जिल्ला प्रहरी कार्यालय डोल्पाबाट खटिएको प्रहरीको टोलीले उक्त रकमसहित दुई जनालाई पक्राउ गरेको हो।
दुनैबाट छलतर्फ जाँदै गरेको मोटरसाइकलका चालक विष्णुलाल रोकाय र उक्त मोटरसाइकलमा पछाडि सवार भक्ति चन्द्र रोकायलाई प्रहरीले पक्राउ गरेको छ।
स्रोत नखुलेको ५५ लाख ९० हजार रकमसहित उनीहरूलाई नियन्त्रणमा लिई थप अनुसन्धान कार्य भइरहेको प्रहरीले जनाएको छ।
