काठमाडौँ। एनआईसी एशिया बैंकले वित्तीय विवरण सार्वजनिक गरेको छ। बैंकले चालु आर्थिक वर्ष २०८२-८३ को दोस्रो त्रैमास (साउन-पुस)सम्मको अपरिष्कृत वित्तीय विवरण सार्वजनिक गरेको हो ।
वित्तीय विवरणअनुसार चालु आर्थिक वर्षको पहिलो ६ महिना पुससम्म बैंकले १३ करोड ११ लाख रुपैयाँ नाफा आर्जन गरेको छ। अघिल्लो आर्थिक वर्ष २०८१-८२ को यही अवधिसम्म बैंकले १५ करोड १७ लाख रुपैयाँ नाफा आर्जन गरेको थियो। बैंकको यो नाफा अघिल्लो वर्षको तुलनामा १३.५४ प्रतिशतले घटेको छ।
समीक्षा वर्षसम्म बैंकको वितरणयोग्य मुनाफा ७ अर्ब ३९ करोड ९५ लाख रुपैयाँले ऋणात्मक रहेको छ। अघिल्लो वर्ष पनि वितरणयोग्य मुनाफा २ अर्ब ६५ करोड ५७ लाख रुपैयाँले ऋणात्मक रहेको थियो। चालु वर्षको पुसम्म बैंकको सञ्चालन मुनाफा १९ करोड ७७ रुपैयाँमा भएको छ। अघिल्लो वर्ष सञ्चालन मुनाफा ३४ करोड १९ लाख रुपैयाँमा थियो। बैंकको सञ्चालन मुनाफा ४२.१६ प्रतिशतले घटेको हो।
दोस्रो त्रैमाससम्म बैंकले ४ अर्ब ३६ करोड ३८ लाख रुपैयाँ ब्याज आम्दानी गरेको छ। अघिल्लो वर्ष यही अवधिसम्म बैंकले ५ अर्ब १८ करोड ६९ लाख रुपैयाँ ब्याज आम्दानी गरेको थियो। ब्याज आम्दानी १५.८७ प्रतिशतले घटेको छ। चुक्तापुँजी १४ अर्ब ९१ करोड ७५ लाख रुपैयाँ रहेको बैंकको रेटिन्ड अर्निङ ७ अर्ब ३९ करोड ९५ लाख रुपैयाँले ऋणात्मक रहेको छ भने रिजर्भमा २२ अर्ब ६ करोड ८१ लाख रुपैयाँ रहेको छ। अघिल्लो वर्ष असार मसान्तसम्म रिटेन्ड अर्निङ ५ अर्ब २१ करोड १८ लाख रुपैयाँले ऋणात्मक रहेको थियो र रिजर्भमा १९ अर्ब ८१ करोड ६० लाख रुपैयाँ थियो।
बैंकले समीक्षा वर्षसम्म ३ खर्ब २७ अर्ब ५० करोड रुपैयाँ निक्षेप संकलन गरी २ खर्ब ९ अर्ब ३१ करोड रुपैयाँ कर्जा लगानी गरेको छ। अघिल्लो वर्ष असार मसान्तसम्म बैंकले ३ अर्ब १९ अर्ब ५ करोड रुपैयाँ निक्षेप संकलन गरी २ खर्ब २४ अर्ब १२ करोड रुपैयाँ कर्जा लगानी गरेको थियो। समीक्षा अवधिसम्म बैंकको खराब कर्जा अनुपात (एनपीएल) बढेर १.५७ प्रतिशतमा पुगेको छ। अघिल्लो वर्ष यही अवधिसम्म बैंकको एनपीएल १.४७ प्रतिशत थियो।
यता बैंकको वार्षिकीकृत प्रतिसेयर आम्दानी (ईपीएस) घटेर १.७७ रुपैयाँ कायम भएको छ भने पीई रेसियो १८८.५८ गुणा रहेको बैंकको प्रतिसेयर नेटवर्थ १२८.३३ रुपैयाँ रहेको छ।
