काठमाडौँ। समृद्धि फाइनान्स कम्पनी लिमिटेडको २४औँ वार्षिक साधारण सभा सम्पन्न भएको छ । बुधबार होटेल एभोकाडो हेटौडामा फाइनान्सको २४औँ वार्षिक साधारण सभा सम्पन्न भएको हो ।
साधारण सभामा अध्यक्ष अजय कुमार मिश्रले सञ्चालक समितिको प्रतिवेदन पेश गरेका थिए भने प्रमुख कार्यकारी अधिकृत सन्तोष कुमार घिमिरेले शुभकामना मन्तव्य राख्दै संस्थाले हालसम्म गरेका कार्यहरुको जानकारी गराएका छन् ।
साधारण सभामा आर्थिक वर्ष २०८१-८२ को वार्षिक विवरण, लेखापरीक्षकको प्रतिवेदनसहितको विवरण स्वीकृतिको लागि पेश गरिएकोमा सर्वसम्मतिले पारित भएको छ ।सभाले पोखरा फाइनान्ससँगको मर्जर प्रक्रियालाई सर्वसम्मतिले पारित गर्दै बाँकी कार्यको लागि अख्तियारी सञ्चालक समितिलाई प्रत्यायोजन गरेको छ ।
आर्थिक वर्ष २०८२-८३ को बाह्य लेखापरीक्षकमा आरएसएमए एसोसियट्सलाई नियुक्ति गर्ने समेत सर्वसम्मत निर्णय गरेको छ ।
