काठमाडौँ। सांग्रिला डेभलपमेन्ट बैंकले २१औँ वार्षिक साधारण सभा गर्ने भएको छ । बैंकले पुस ७ गते सोमबार एक्काइसौँ वार्षिक साधारण सभा गर्ने भएको हो ।
सभा अमृतभोग क्याटरर्स, कालिकास्थान, काठमाडौँमा बिहान साढे १० बजे सुरु हुनेछ। सभाले हाल कायम चुक्ता पूँजीको ५ प्रतिशत बोनस शेयर र सोको कर प्रयोजनार्थसहित ५.३५८३ प्रतिशत नगद लाभांश वितरण गर्ने विशेष प्रस्ताव पारित गर्नेछ।
त्यस्तै, सभाले प्रबन्धपत्र तथा नियमावली संशोधन गर्न र अन्य उपयुक्त बैंक तथा वित्तीय संस्थासँग मर्जर तथा एक्विजिशनसम्बन्धि कार्य गर्न सञ्चालक समितिलाई अख्तियारी दिने र लेखापरीक्षक नियुत्तल गर्ने लगायतका प्रस्तावहरु पनि पारित गर्ने बैंकले जनाएको छ।
बैंकका अनुसार साधारण सभा तथा लाभांश वितरण प्रयोजनका लागि मंसिर २३ गतेदेखि पुस ७ गतेसम्म बुकक्लोज हुने भएको छ।
