काठमाडौँ। नेपाल राष्ट्र बैंकका डा. विश्वनाथ पौडेलले आफुसँग भएको सम्पत्तिको विवरण सार्वजनिक गरेका छन्। गभर्नर नियुक्त भएपछि सम्पत्ति विवरण सार्वजनिक गर्नुपर्ने नियमअनुसार गभर्नर पौडेलले आफ्नो र पत्नीका नाममा रहेको सम्पत्ति विवरण सार्वजनिक गरेका हुन् ।
गभर्नर भएपछि र कार्यकाल सकिएपछि सम्पत्ति विवरण सार्वजनिक गर्नु पर्ने व्यवस्था रहेको छ। उनले सार्वजनिक गरेको विवरण अनुसार उनीसँग भैंसीपाटीमा एउटा घर, ४५ तोला सुन र विभिन्न बैंकमा गरेर कुल २७ लाख रुपैयाँ रहेको छ।
यता गभर्नर पौडेलसँग १४ करोडको सेयर र १५ लाख बराबरको हिरा पनि रहेको छ। साथै, गभर्नरकी पत्नीका नाममा ४४ लाख रुपैयाँमा खरिद गरेको सुजुकी कार छ। जुन गभर्नर पौडेलले २०७७ साल भदौमा किनेका हुन्।
