काठमाडौँ । सांग्रिला डेभलपमेन्ट बैंकले ‘बुद्ध भूमि बचत खाता’ सञ्चालनमा ल्याएको छ। बैंकले उच्च र आकर्षक ब्याजदरसहितको ‘बुद्ध भूमि बचत खाता’ सञ्चालनमा ल्याएको हो ।
बैंकका अनुसार चैत १ गतेबाट सञ्चालनमा आएको उक्त खाता आम नेपाली नागरिकका लागि बचत गर्ने बानी बसाउने तथा आफ्नो मेहनतको कमाइको राम्रो प्रतिफल पाउने एक अवसरका रुपमा रहेको छ ।
५ हजार रूपैयाँ न्यूनतम ब्यालेन्समा खोल्न सकिने यो खातामा ग्राहकले बैंकले प्रदान गर्ने अधिकतम (हाललाई ५ प्रतिशत) ब्याज पाउनुका साथै ब्याज दैनिक गणना गरी हरेक त्रैमासमा खातामा जम्मा हुनेछ ।
यो खाता १८ वर्ष पुगेका सबै नागरिकले खोल्न मिल्नेछ भने खाता खोल्ने ग्राहकले नि:शुल्क चेक, भिसा डेविट कार्ड, मोबाइल बैंकिङ र एसएमएस सेवा, पाउनुका साथै बैंकका कुनै पनि शाखाको बैंकिङ सुविधा उपयोग गर्न सक्ने बैंकले जनाएको छ। बैंकका अनुसार यस खाता खोल्ने ग्राहकलाई नि:शुल्क डीम्याट खाता खोल्ने र मेरो सेयरको दर्ता गर्ने सुविधा पनि उपलब्ध हुनेछ भने पहिलो वर्ष लकर सुविधामा ५० प्रतिशत छुट उपलब्ध हुनेछ ।
