काठमाडौँ । कर्णाली डेभलपमेन्ट बैंक समस्याग्रस्त घोषणा भएको छ । नेपाल राष्ट्र बैंकले कर्णाली डेभलपमेन्ट बैंक लिमिटेडलाई समस्याग्रस्त घोषणा गरेको हो ।
राष्ट्र बैंक सञ्चालक समितिको पुष ९ गते बसेको बैठकले नेपाल राष्ट्र बैंक ऐन, २०५८ को दफा ८६ ख बमोजिम यस बैंकलाई समस्याग्रस्त संस्था घोषणा गर्ने निर्णय गरेको हो ।
बैंक समस्याग्रस्त घोषणा भएपछि कर्णाली डेभलपमेन्ट बैंकका ग्राहकहरु चिन्तित बनेका छन् । ग्राहकहरुले बैंकबाट आफ्नो पैसासमेत निकाल्न थालेका छन् ।
राष्ट्र बैंकले यसअघि कर्णाली डेभलपमेन्ट बैंकको न्यूनतम पुँजीकोष अनुपात कायम नभएको, निष्क्रिय कर्जा अनुपात ४०.८५ प्रतिशत रहेको लगायतका कारणले संस्थाको वित्तीय अवस्था समस्याउन्मुख देखिएको भन्दै शीघ्र सुधारात्मक कारबाही गरेको थियो।
