काठमाडौँ । नेपाल राष्ट्र बैंकका गभर्नर महाप्रसाद अधिकारीले बैंकहरूको नाफा कम हुन नहुने बताएका छन् । अर्थसमितिको बैठकमा बोल्दै गभर्नर अधिकारीले यस्तो बताएका हुन् ।
उनले सो बैठकमा बैंकिङ प्रणाली सुरक्षित हुन र अर्थतन्त्र चलायमान हुन बैंकहरूले नाफा कमाउन आवश्यक रहेको जानकारी दिएका छन् ।
गभर्नरले पछिल्लो समय बैंकहरूले धेरै नाफा कमाएको भन्ने जस्ता सूचना गलत भएको उल्लेख गरेका छन् । साथै, उनले यस्तो भ्रममा नपर्न आग्रह समेत गरेका हुन् ।
त्यस्तै, गभर्नर अधिकारीले हाल बैंकहरूको नाफा ८.५ प्रतिशत भन्दा बढी नभएको र नाफा निरन्तर घट्दै गइरहेको जनाएका छन् ।
