काठमाडौं । ग्रीन डेभलपमेन्ट बैंकका नवनियुक्त अध्यक्ष गणेश कुमार श्रेष्ठले पद तथा गोपनीयताको सपथ लिएका छन् । सोमबार श्रेष्ठलाई नेपाल राष्ट्र बैंक पोखरा शाखाकी निर्देशक बिना ढकाल पौडेलले सपथ ग्रहण गराएकी हुन् ।
उनी २०८० चैत २७ गतेको ग्रीन डेभलपमेन्ट बैंकको साधारण सभाबाट संस्थापक सेयरधनीको तर्फबाट अध्यक्ष पदमा निर्विरोध निर्वाचित भएका थिए ।
सपथ कार्यक्रमपछि बोल्दै नवनियुक्त अध्यक्ष श्रेष्ठले ग्रीन डेभलपमेन्टलाई यो उचाइसम्म पुर्याउन नेपाल राष्ट्र बैंकले खेलेको भूमिकालाई स्मरण गर्दै बैंकिङ क्षेत्रलाई थप विस्तार गर्न भविष्यमा पनि थप सहयोग आवश्यक रहने बताए ।
श्रेष्ठले नेपाली बैंकहरूले बदलिँदो विश्व परिस्थितिअनुसार आफूलाई प्रविधिमैत्री बनाउन आवश्यक हुने भन्दै आफ्नो कार्यकालमा ग्रीन डेभलपमेन्टलाई थप सबल र उत्कृष्ट बनाउन पहल गर्ने प्रतिबद्धता जनाएका छन् ।
