काठमाडौँ । ४ जनाको नाम नै लिएर ग्लोबल आईएमई बैंकका मेनेजर पिताम्बर खड्काले आत्महत्या गरेको प्रकरणपछि उनले राखेका ४ जनाको तस्विर कसको हो ? र उनीहरु को हुन् भन्ने चासो बढेको छ । ग्लोबल आईएमई बैंकका कर्मचारीले चिने पनि स्थानीयहरुले उनीहरु को को हुन् र उनीहरु यो आत्महत्या प्रकरणमा कसरी जोडिए भन्ने विषय चौतर्फी चासोको विषय बनेको छ ।
फलोअप: ग्लोबल आईएमई बैंक खड्का प्रकरण: सीइओसहित एचआर हेड अनामिकालाई पक्राउ गर्न स्थानीयको माग !
खड्काले उल्लेख गरेका सुरेन्द्र राज रेग्मी बैंकका सीइओ हुन् । नाम गरिएका अर्का व्यक्ति सुमन पोखरेल बैंकका डेपुटी सीइओ हुन् । पोखरेलसँग खड्काको नजिकको चिनजान रहेको बताइएको छ ।
खड्काले नाम लिएका अर्का व्यक्ति दिप चन्द्र रेग्मी ग्लोबल आईएमई बैंकका असिस्टेन्ट सीइओसमेत हुन् । उनी तर्फबाट ग्लोबल आईएमई क्यापिटलका अध्यक्षसमेत छन् ।
खड्काले नाम लिएका अनामिका सिंह हाल एच आर प्रमुख हुन् । उनले नै राजिनामा स्वीकृत गरेकी हुन् भने उनलाई राजिनामा दिन प्रेसर दिएको बताइएको छ । अनामिका सिंह ग्लोबल आईएमई लाघुबित्तकी संचालकसमेत हुन् ।
सीइओसहितको फोटोसहित स्ट्याटस लेखेर ग्लोबल आईएमई बैंकका कर्मचारीले गरे आत्महत्या !
