- बैंकिङ संसार
काठमाडौं । कुमारी बैंक लिमिटेडले ४ लाख २४ हजार ९८१ कित्ता संस्थापक सेयर बिक्रीमा ल्याएको छ । बैंकले ग्लोबल ट्रेडिङ कन्सर्नको नाममा रहेको ३ लाख ४६ हजार ११९ कित्ता र एसियन डिष्ट्रिब्युटर्स प्रालिको नाममा रहेको ७८ हजार ८६३ कित्ता संस्थापक सेयर बिक्री गर्न लागेको हो ।
यसको मूल्य भने खुलाइएको छैन । सो सेयर किन्न चाहने संस्थापक सेयरधनीले ३५ दिनभित्र बैंकको सेयर रजिष्ट्रार कुमारी क्यापिटल नक्साल वा कुमारीको मुख्य कार्यालय टंगाल काठमाडौंमा सम्पर्क गर्नुपर्नेछ । तोकिएको अवधिमा कोही पनि संस्थापक सेयरधनीबाट आवेदन नआएमा भने सर्वसाधारणका लागि बिक्री खुला गर्न सकिनेछ।
