काठमाडौँ। नेपाल बैंकका एक जना कर्मचारी पक्राउ परेका छन्। सुदूरपश्चिम प्रदेश कार्यालयसमेत रहेको नेपाल बैंक लिमिटेड धनगढीका कार्यालय प्रमुख अम्बिकाप्रसाद अधिकारीको सरकारी गाडी चलाउँदै आएका वेदकोट नगरपालिका ७ का विमल पाण्डे कञ्चनपुरको गुलरियाबाट पक्राउ परेका हुन्।
पाण्डेलाई बैंक प्रमुख अधिकारीको गाडीसहित नियन्त्रणमा लिएको थियो। उनीसँगै कृष्णपुर नगरपालिका २ का लालबहादुर सुनार, हेमराज जोशी र धनगढी उपमहानगरपालिका ५ तारानगरका अशोक पाण्डे पनि पक्राउ परेका छन्।
पक्राउ परेकाहरूको साथबाट प्रहरीले ३० ग्राम लागूऔषध बरामद गरेको थियो। हाल यस घटनाको थप अनुसन्धान भईरहेको छ।
