काठमाडौँ। बैंकिङ कसुर मुद्दाका फरार एक जना पक्राउ परेका छन्। पक्राउ पर्नेमा बाँकेका दीपेन्द्र शाही रहेका छन् ।
उनलाई काठमाडौँ महानगरपालिका १० स्थित बुद्धनगरबाट पक्राउ गरिएको जिल्ला प्रहरी परिसर काठमाडौँले जनाएको छ ।
शाहीविरुद्ध एक करोड ५० लाख बिगो रकम कायम गरिएको बैंकिङ कसुर मुद्दा रहेको छ । शाहीलाई आवश्यक कानुनी कारवाहीका लागि जिल्ला प्रहरी कार्यालय बाँके पठाइएको जिल्ला प्रहरी परिसर काठमाडौँले जनाएको छ ।
