काठमाडौँ। स्रोत नखुलेको नगदसहित एक जना पक्राउ पक्राउ परेका छन्। स्रोत नखुलेको नगद २१ लाख ७६ हजार रूपैयाँसहित बुधबार साँझ एक जना व्यक्ति पक्राउ परेका हुन्।
पक्राउ पर्नेमा कास्कीको पोखरा महानगरपालिका २ मोहरिया टोल बस्ने ३४ वर्षीय तम्रुम पाल रहेका छन्। सोही महानगरपालिका ३ अधिकारी टोलबाट स्रोत नखुलेको नगदसहित उनलाई प्रहरीले पक्राउ गरेको हो।
जिल्ला प्रहरी कार्यलाय कास्कीबाट खटिएको प्रहरीले ग.९ प ८३०७ नम्बरको स्कुटरमा सवार उनलाई उक्त नगदसहित पक्राउ गरेको हो। हाल यस घटनाको थप अनुसन्धान भइहेको प्रहरीले जनाएको छ।
