काठमाडौँ। अब विदेशी कार्डमार्फ नै नेपालमा राजस्व भुक्तानी गर्न सकिने भएको छ। नेपाल सरकारले राजस्व भुक्तानी प्रणालीमा अन्तर्राष्ट्रिय कार्ड नेटवर्कको प्रयोग सुरु गरेको हो।
बिहीबार अर्थमन्त्री रामेश्वर प्रसाद खनाल र मुख्य सचिव एकनारायण अर्यालले राजस्व व्यवस्थापन सूचना प्रणालीमा ‘इन्टरनेशनल कार्ड नेटवर्क’ आबद्धता शुभारम्भ गरेका हुन्।
उक्त प्रणाली सुरु भएपछि अब विदेशमा रहेका नेपाली सेवाग्राही र नेपाल आउने पर्यटकले मास्टर कार्ड, भिजा कार्ड, अलिपे जस्ता अन्तर्राष्ट्रिय कार्ड प्रयोग गरेर सहजै राजस्व तिर्न सक्नेछन्।
सुरुवातमा यो सुविधा अध्यागमन विभागका राजस्व सेवामा लागू भएको छ।
