काठमाडौँ। नेपाल राष्ट्र बैंकको १८औँ गभर्नरका लागि तीन जनाको नाम सिफारिस भएको छ। मंगलबार बसेको गभर्नर छनोट समितिको बैठकले डा. विश्व पौडल, डेपुटी गभर्नर नीलम ढुंगाना तिमिल्सिना र पूर्वसचिव दिनेश भट्टराई को नाम सिफारिस गरेको हो।
अर्थमन्त्री विष्णु पौडेल नेतृत्वको गभर्नर छनोट समितिले पहिलो नम्बरमा पौडेल, दोस्रो नम्बरमा राष्ट्र बैंककी डेपुटी गभर्नर नीलम ढुंगाना तिमिल्सिना र तेस्रो नम्बरमा पूर्वसचिव दिनेश भट्टराईलाई राखेको छ।
अर्थमन्त्री नयाँ गभर्नर नियुक्तिका लागि तीन जनाको नाम बोकेर प्रधानमन्त्रीको सरकारी कार्यालय बालुवाटार पुगेको एक स्रोतले जनाएको छ।
