PRABHU BANK

कुमारी बैंकले भव्य रुपमा मनायो आफ्नो २४औँ वार्षिकोत्सव कार्यक्रम

काठमाडौँ । कुमारी बैंकले आफ्नो २४औँ वार्षिकोत्सव मनाएको छ । बैंकले आफ्नो २४औँ वार्षिकोत्सव विभिन्न कार्यक्रमहरु आयोजना गरेर मनाएको हो ।

वार्षिकोत्सवको अवसरमा बैंकले कर्मचारीलाई आ-आफ्नो परम्परा र सांस्कृतिको महत्व दर्शाउन ‘परम्परागत भेषभुषा’ पहिरन गर्न प्रोत्साहित गरेको छ । यस कार्यक्रमले कर्मचारीहरूलाई आफ्नो परम्परागत पृष्ठभूमिको प्रतिनिधित्व गर्ने पोशाक मार्फत सांस्कृतिक पहिचान तथा सम्बर्धन गर्न मद्दत पुर्याएको विश्वास लिएको छ । विविध सांस्कृतिक परम्परालाई अंगाल्दै, बैंकले आफ्नो कार्यक्षेत्रमा ‘बिबिधतामा एकता’ लाई जोड दिएको छ ।

यस पहल मार्फत, बैंकले ‘सबैका लागि सधैंका लागि’ भन्ने मूल उद्देश्य भित्र रहि आन्तरिक आबद्धताको भावनालाई बढावा दिन, संस्थागत संस्कृति र सामुदायिक कार्यलाई निरन्तरता दिएको छ । साथै, वार्षिकोत्सवको अवसरमा बैंकले विभिन्न स्थानहरुबाट रक्तदान कार्यक्रम आयोजना भएको छ । यसले स्थानीय स्तरमा रक्त बैंकका आवश्यकता तथा जीवन बचाउने अभियानमा महत्वपूर्ण योगदान गर्ने लक्ष्य रहेको छ ।

विगत २४ वर्ष देखि निरन्तर बैंकिङ सेवा दिदै आएको कुमारी बैंकले आफ्ना देशभर रहेका ३०२ शाखा सञ्जाल, ३१६ एटिएम, ५० एक्सटेन्सन काउन्टर तथा ५४ शाखा रहित बैंकिङ ईकाईहरु मार्फत आफ्ना ग्राहकवर्गलाई अत्याधुनिक तथा प्रभावकारी सेवाहरु प्रदान गर्दै आइरहेको छ।

सम्बन्धित शिर्षक

प्रतिक्रिया दिनुहोस्

सिफारिस सबै