काठमाडौँ । कृषि विकास बैंकले कर्मचारी माग गरेको छ। बैंकले एक सूचना जारी गर्दै सहायकदेखि अधिकृतसम्म विभिन्न पदका लागि ११८ जना कर्मचारी माग गरेको हो ।
बैंकले शाखा प्रमुख १ जना, व्यवसाय अधिकृत ४८ जना, व्यवस्था सूचना प्रणाली अधिकृत ३ जना, कानून अधिकृत १ जना, कम्प्युटर अधिकृत १ जना, कर्जा अधिकृत ५ जना र लेखापाल ( मधेश प्रदेश ) ३५ जना, बागमती प्रदेश १५ जना र लुम्बिनी प्रदेशका लागि ९ जना कर्मचारी माग गरेको छ ।
इच्छुक तथा योग्यता पुगेका नेपाली नागरिकहरूले वैशाख ११ गतेसम्म आवेदन दिन सक्नेछन्। साथै, दोब्बर दस्तुर तिरेर भने वैशाख १८ गतेसम्म आवेदन दिन सकिने छ ।
