काठमाडौँ । चितवनमा बैंकरहरुलाई तनाव व्यवस्थापन ‘स्ट्रेस म्यानेजमेन्ट ट्रेनिङ’ तालिम दिएको पाइएको छ। किङ ट्रेनिङ सेन्टरसँगको सहकार्यमा गत शुक्रबार चितवनको लायन्स चोकमा रहेको सिराइचुली होटलमा उक्त तालिम दिएको हो।
बैंकरहरुमा अत्याधिक तनाव सिर्जना भएपछि बैंक तथा वित्तीय संस्थामा कार्यरत चितवनका बैंकरलाई तनाव व्यवस्थापन ‘स्ट्रेस म्यानेजमेन्ट ट्रेनिङ’ तालिम दिइएको छ ।
तनाव व्यवस्थापन सम्बन्धी प्रशिक्षक प्रसन्न विष्टले तनाव न्यूनीकरण गर्न सकिने तरिका र तनाव सिर्जना गर्ने कारक तत्त्वहरू कसरी चिन्ने भन्ने विषयमा प्रशिक्षण दिएका थिए भने रुपाली पोदारले व्यक्तित्व विकास ‘पर्शनालिटि डेभलपमेन्ट’ गर्ने विषयमा प्रशिक्षण दिएकी थिइन्।
तालिममा विभिन्न बैंक तथा वित्तीय संस्थामा कार्यरत चितवनका २० भन्दा बढी बैंकर सहभागी रहेका थिए। किङ ट्रेनिङ सेन्टरले बैंकमा काम गर्दै जाँदा आउने विभिन्न समस्यालाई सहजै व्यवस्थापन गर्नका लागि उक्त तालिम प्रदान गरेको हो । यता, तालिममा सहभागीहरूले व्यक्तिगत जीवनमा व्यवसायीक जीवनको तालमेल मिलाउन यो तालिमले सहजता दिलाउने उल्लेख गरेका छन्।
