काठमाडौँ । सिटिजन्स बैंकले लोटस सार्वजनिक विद्यालयलाई कम्प्युटर र प्रिन्टर प्रदान गरेको छ। बैंकले कोशी प्रदेश मोरङ जिल्लाको बुढीगंगा गाउँपालिका २ मा अवस्थित लोटस सार्वजनिक विद्यालयलाई कम्प्युटर र प्रिन्टर सहयोग प्रदान गरेको हो ।
उक्त विद्यालयका विद्यार्थीहरुको पठनपाठनमा सहजता होस् भन्ने हेतुले बैंकले उक्त सहयोग प्रदान गरेको हो ।
बैंकका प्रमुख कार्यकारी अधिकृत गणेशराज पोखरेलले विद्यालयमा आयोजित एक समारोहकाबीच सहयोग स्वरुप कम्प्युटर र प्रिन्टर हस्तान्तरण गरेका हुन् । पोखरेलले बैंकको यो सानो सहयोगले विद्यालयमा अध्ययनरत विद्यार्थीहरु लाभान्वित हुने विश्वास व्यक्त गरेका छन् ।
साथै, आगामी दिनमा पनि संस्थागत सामाजिक उतरदायित्व कार्यक्रम अन्तर्गत सामाजिक, आर्थिक, सांस्कृतिक, शैक्षिक आदि जस्ता क्षेत्रमा सकारात्मक परिवर्तन ल्याउनका निम्ति विभिन्न कार्यक्रम संचालन गर्ने योजना रहेको बैंकले जनाएको छ।
