काठमाडौँ । बैंकिङ कसूर मुद्दाका फरार प्रतिवादी पक्राउ परेका छन् । पक्राउ पर्नेमा काठमाडौँ जिल्ला नागार्जुन नगरपालिका वडा न ०६ रामकोट बस्ने ३६ वर्षीय बिराज तामाङ रहेका छन् ।
उनीविरुद्ध इन्दिरा खड्का लगायतका व्यक्तिहरूको जाहेरी दिएका थिए । काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले चैत्र १२ गते काठमाडौँ महानगरपालिका वडा नं १० नयाँबानेश्वरबाट पक्राउ गरेको हो ।
पक्राउ परेका तामाङको नाममा अन्य प्रहरी कार्यालयहरूमा समेत नौ वटा मुद्दा दर्ता भई फरार रहेको पाइएको छ ।उनलाई थप अनुसन्धान तथा आवश्यक कारवाहीको लागि प्रहरी वृत्त, महाराजगञ्ज पठाइएको छ ।
