काठमाडौँ । नेपाल राष्ट्र बैंकले कर्णाली विकास बैंकलाई निक्षेप लिन र कर्जा दिन रोक लगाएको छ । कर्णाली विकास बैंक समस्यामा देखिएपछि राष्ट्र बैंकले निक्षेप लिन र कर्जा दिन रोक लगाएको हो ।
बैंकमा निरीक्षण गर्दा तोकिए बमोजिमको पूँजीकोष अनुपात कायम नहुने देखिएको, निष्क्रिय कर्जा अनुपात ४०.८५ प्रतिशत पुगेको लगायत समस्या देखिएपछि राष्ट्र बैंकले यस्तो निर्णय गरेको हो ।
राष्ट्र बैंकको सूचनामा भनिएको छ, ‘संस्थाको वित्तीय अवस्था समस्याउन्मुख देखिएकाले निक्षेपकर्ता र सर्वसाधारणको हित संरक्षण गर्ने अभिप्रायले सो संस्थालाई आजैका मितिबाट लागू हुनेगरी थप निक्षेप संकलन गर्न, नयाँ निक्षेप खाता खोल्न र थप कर्जा प्रवाह गर्न रोक लगाई शीघ्र सुधारात्मक कारबाही गरिएको ब्यहोरा सर्वसाधारणमा जानकारी गराइन्छ ।’ यो हेर्नुहोस्ः
