काठमाडौँ । एक महिनामा मोबाइल बैंकिङ प्रयोगकर्ताको सङ्ख्या ३ लाख बढीले बढेको छ । नेपाल राष्ट्र बैंकले सार्वजनिक गरेको तथ्यांकअनुसार चालु आर्थिक वर्ष २०८१-८२ को तेस्रो महिना असोजमा मोबाइल बैंकिङ प्रयोगकर्ताको सङ्ख्या ३ लाख १७ हजारले बढेको हो ।
असोज मसान्तसम्ममा मोबाइल बैंकिङ प्रयोगकर्ताको संख्या २ करोड ५५ लाख २४ हजार १ सय ८९ पुगेको छ । भदौ मसान्तसम्म भने मोबाइल बैंकिङ प्रयोगकर्ताको संख्या २ करोड ५२ लाख ७ हजार १ सय २२ थियो ।
त्यस्तै, अघिल्लो वर्षको असोजमा मोबाइल बैंकिङ प्रयोगकर्ताको सङ्ख्या २ करोड २२ लाख ८४ हजार छ सय २२ थियो। गत वर्षको सोही अवधिको तुलनामा प्रयोगकर्ताको सङ्ख्या ३२ लाख ३९ हजारले बढी हो ।
