काठमाडौँ । सहुलियतपूर्ण कर्जाका लागि करिब २० करोड रुपैयाँ स्वीकृत भएको छ । चालु आर्थिक वर्षको १० महिनासम्म विभिन्न प्रकारका सहुलियतपूर्ण कर्जाका लागि १९ करोड ८९ लाख ८७ हजार ४० रुपैयाँ स्वीकृत भएको हो ।
राष्ट्र बैंकका अनुसार स्वीकृत भएकोमध्ये १३ करोड ८७ लाख ६ हजार ७ सय ६४ रुपैयाँ कर्जा प्रवाह हुन बाँकी रहेको छ ।
त्यस्तै, उक्त कर्जा सबै प्रकारका बैंक तथा वित्तीय संस्थाबाट १ लाख २६ हजार १ सय ९१ ऋणका लागि स्वीकृत भएको हो । वैशाखसम्म कुल स्वीकृत सहुलियतपूर्ण कर्जाका लागि २,२३,९०,८१६.०९ रुपैयाँ ब्याज अनुदान दिइएको छ।
