काठमाडौँ । नेपाल एसबिआई बैंकले गाडी किन्न सबैभन्दा कम ब्याजमा ऋण दिने भएको छ । बैंकले नयाँ वर्षको अवसरमा बजारमा नयाँ गाडीको व्यापार सम्भावना देखेर सबैभन्दा कम ब्याजमा ऋण दिने भएको हो ।
बैंकले विगत लामो समयदेखि नेपाल राष्ट्र बैंकको प्रावधानमा रहेर सवारी कर्जा दिँदै आइरहेको छ ।
बैंकले व्यक्तिगत, सार्वजनिक तथा मालबाहक सवारीसाधन किन्नका लागि कम ब्याजमा ऋण दिने तयारी गरेको हो ।
राष्ट्र बैंकको प्रावधानमा रहेर बैंकहरुले व्यक्तिगत सवारीसाधन खरिदका लागि ९० प्रतिशतसम्म कर्जा दिन पाउँछन् । पेट्रोलियम र विद्युतीय सवारी साधानको कर्जा र यसको ब्याजदर भने फरक हुन्छन् ।
