काठमाडौं । ग्रामीण विकास बैंकका कर्मचारी विरुद्ध विशेष अदालतमा मुद्दा दायर भएको छ । बैंकका कर्मचारी उदयकृष्ण अधिकारीविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको हो ।
नक्कली सदस्य बनाइ विना धितो कर्जा दिएको, ऋणीबाट असुली भएको सावा तथा ब्याज रकम असुली नदेखाई जग्गा खरिदमा प्रयोग गरेको अख्तियारको दावी छ ।
आयोगका प्रवक्ता नरहरि घिमिरेका अनुसार उनीविरुद्ध १९ लाख दुई हजार दुई सय ३७ रुपैयाँ बराबरको बिगो दाबी गर्दै मुद्दा दायर भएको हो ।
