काठमाडौँ। महालक्ष्मी विकास बैंकले नर्सिङ रुम तथा डे-केयर सेवा सञ्चालनमा ल्याएको छ। बैंकले एक सूचना जारी गर्दै महिला कर्मचारीहरूको सहजता, सम्मान र गोपनीयतालाई प्राथमिकतामा राखी केन्द्रिय कार्यालय, दरबमारमार्गमा नर्सिङ रुम तथा डे-केयर सेवा सञ्चालनमा ल्याएको जनाएको छ।
बैंकले स्तनपान गराईरहेका महिला कर्मचारीहरुलाई सुरक्षित, सहज, स्वच्छ तथा गोपनीय वातावरण उपलब्ध गराउने उद्देश्यले शिशु स्याहार कक्ष तथा डे केयरको स्थपना गरेको हो ।
महालक्ष्मी महिला नेतृत्व तथा विकास फोरमको अध्यक्षले उक्त स्याहार कक्षको उद्घाटन गरेका हुन् ।
बैंकले समावेशिता र लैङ्गिक समानतालाई प्राथमिकतामा राख्दै आएको छ । कर्मचारीमैत्री, परिवारमैत्री तथा समावेशी कार्यसंस्कृती निर्माण गर्दै मातृत्वप्रतिको सम्मान, कार्य-जीवन सन्तुलन तथा कर्मचारी कल्याणलाई प्रबद्र्धन गर्ने बैंकको र्दीघकालीन प्रतिबद्धताको निरन्तरता स्वरुप यो पहल गरिएको हो ।
महालक्ष्मी विकास बैंकले ‘सबल बैंक, सफल सहकार्य’ को नारालाई आत्मसाथ गर्दै नेपाली जनताको घरदैलोमा अनवरत रुपले गुणस्तरीय वित्तीय सेवा प्रदान गर्दै आएको छ।
