असार महिनाका लागि नयाँ ब्याजदर सार्वजनिक, ५ वाणिज्य बैंकको ब्याजदर घट्यो, १५ बैंकको स्थिर ! (विवरणसहित)

काठमाडौँ । वाणिज्य बैंकहरुले असार महिनाका लागि नयाँ ब्याजदर सार्वजनिक गरेका छन् । हाल संचालनमा रहेका २० वाणिज्य बैंकहरूमध्ये १५ वाणिज्य बैंकहरुले जेठ महिनाकै ब्याजदरलाई निरन्तरता दिएका छन् भने ५ बैंकले ब्याजदर घटाएका हुन् ।

बैंकहरुको जेठ महिनाको तुलनामा व्यक्तिगत मुद्दती निक्षेपको ब्याजदर ०.०५ प्रतिशत बिन्दुले घटेर ५.९०२ प्रतिशत बिन्दुमा झरेको छ । यसअघि बैंकहरुको व्यक्तिगत मुद्दती निक्षेपको अधिकतम ब्याजदर औसत ५.९५२ प्रतिशत बिन्दु रकेको थियो ।

यता, असार महिनामा ब्याजदर घटाउनेमा कृषि विकास बैंक, कुमारी बैंक, एनएमबी बैंक, एभरेष्ट बैंक र एनआईसी एशिया बैंक रहेका छन् भने बाँकि बैंकहरूले ब्याजदर यथावत राखेका छन्।