काठमाडौँ। वाणिज्य बैंकहरुको कर्जा प्रवाह घटेको छ। नेपाल राष्ट्र बैंकको पछिल्लो तथ्यांकअनुसार वाणिज्य बैंकहरुको कर्जा प्रवाह एकैदिन १ अर्ब रुपैयाँले घटेको हो।
चैत १७ गते ४८ खर्ब ५४ अर्ब रुपैयाँ कर्जा प्रवाह गरेका वाणिज्य बैंकहरुले चैत १८ गते ४८ खर्ब ५३ अर्ब कर्जा प्रवाह गरेका छन्। जुन १ अर्ब रुपैयाँले कम हो।
यस अवधीमा वाणिज्य बैंकहरूको निक्षेप संकलन पनि घेटेको छ। बैंकहरूको निक्षेप संकलन एकैदिन ३ अर्ब रुपैयाँले घटेको हो। चैत १७ गते ६० खर्ब ६३ अर्ब रुपैयाँ संकलन गरेका वाणिज्य बैंकहरुले १८ गते ६० खर्ब ६० अर्ब रुपैयाँ संकलन गरेका छन् ।
राष्ट्र बैंकको तथ्यांकअनुसार बैंकहरुको सिडी रेसियो ७९.३१ प्रतिशत र अन्तर बैंक ब्याजदर ३ प्रतिशत कायम भएको छ।
