काठमाडौँ । इन्डियन ओभरसीज बैंकले ओटीपी मार्फत खाता खोल्ने सुविधा ल्याएको छ । बैंकले आफ्नो ८९ औं स्थापना दिवसको अवसरमा आधार कार्ड ओटीपी आधारित खाता खोल्ने सुविधा र एपीआई बैंकिङ सेवा सुरु गरेको हो ।
उक्त सुविधाहरू व्यक्तिगत र कर्पोरेट ग्राहकहरूलाई सरल र सुविधाजनक बैंकिङ सेवाहरू प्रदान गर्ने उद्देश्यले ल्याइएको भारतीय सञ्चार माध्यमहरुले जनाएका छन् । अब ग्राहकहरूले कुनै पनि झन्झटबिना बैंकको आधिकारिक वेबसाइटमार्फत आधार ओटीपी (आधारित ई-केवाईसी प्रक्रियामार्फत बचत खाता खोल्न सक्नेछन्।
इन्डियन ओभरसीज बैंकले यो डिजिटल अनबोर्डिङ प्रक्रियाले आरबीआई (भारतको केन्द्रीय बैंक) को दिशानिर्देशहरू पालना गर्दछ, जसले गर्दा ग्राहकहरूले धेरै कागजातबिना नै आफ्नो खाता खोल्न सक्छन्। जसमा ग्राहकहरुले आधार-ओटीपीमार्फत मात्र तुरुन्तै खाता खोल्न र बैंकिङ सुविधाहरू प्राप्त गर्न सक्नेछन्।
यद्यपि बैंकिङ नियमहरू अनुसार यस प्रकारका खाताहरूमा लेनदेनमा निश्चित सीमाहरू तोकिनेछन्।
इन्डियन ओभरसीज बैंकले एपीआई (एप्लिकेशन प्रोग्रामिङ इन्टरफेस) बैंकिङ सेवा पनि सुरु गरेको छ। जसले कर्पोरेट ग्राहकहरूलाई आफ्नो लेखा प्रणालीबाट सिधै बैंकिङ कारोबार गर्न अनुमति दिन्छ।
उक्त सेवाले वास्तविक समय कारोबार र अन्तरबैंक कोष स्थानान्तरणलाई सहज बनाउनेछ। जसमा एपीआई बैंकिङमार्फत, कर्पोरेट ग्राहकहरूले बैंकको कोर बैंकिङ प्रणालीमा सिधै जडान भएर वित्तीय कार्यप्रवाहलाई स्वचालित र अनुकूलन गर्न सक्छन्।
