![# Himalayan Bank](https://blogger.googleusercontent.com/img/b/R29vZ2xl/AVvXsEjeO_Ov2n6dDSYjdKlQezs1B-irhwAp35q6K_emqrfaVIFX7CndY2k9jieMwW2ObhL9-GLT_wdDIoSbzHYcj3-1TFLMVyqEsnTM8AJysQ6-yeZEyZCSi11kluazanr0i8lKFz3LpV9KKEXO/s16000/himalayan-bank.jpg)
- बैंकिङ संसार
काठमाडौं । हिमालयन बैंकले पाटन दरबारको मन्दिर पुनःस्थापना गर्न आर्थिक सहयोग गरेको छ । बैंकले पाटन दरबारको मन्दिर पुनःस्थापना गर्न १ करोड आर्थिक सहयोग गरेको हो । बैंकले आफ्नो संस्थागत सामाजिक उत्तरदायित्व अन्तर्गत पाटन दरबार क्षेत्रमा भएको पुरातात्विक महत्वको मन्दिर पुननिर्माणको लागि काठमाडौं भ्याली प्रिजर्भेसन ट्रष्टलाई उक्त सहयोग गरेको हो ।
बैंक संचालक समितिका अध्यक्ष तुलसी प्रसाद गौतमले ट्रष्टका कन्ट्री प्रोग्राम डाइरेक्टर रोहित कुमार रन्जितकारलाई बैंकको केन्द्रीय कार्यालयमा आयोजित एक समाहरोकाबीच उक्त रकम बराबरको चेक हस्तान्तरण गरेका हुन् । बैंकले आफ्नो स्थापनाकालदेखिनै स्वास्थ्य, शिक्षा, प्राकृतिक विपत्तिमा परेकाहरु, संस्कृतिक सम्पदाहरुको संरक्षण/पुर्नस्थापना, वित्तीय साक्षरता, वातावरण संरक्षण, जनचेतना आदि जस्ता क्षेत्रमा सहयोग प्रदान गर्दै आइरहेको छ ।