काठमाडौँ । वाणिज्य बैंकहरुले ब्याजदर घटाएका छन् । मंसिर महिनाका लागि २० मध्ये ११ वाणिज्य बैंकहरुले निक्षेपको ब्याजदर घटाउँदा ८ बैंकहरुले कार्तिक महिनाकै ब्याजदरलाई निरन्तरता दिएका छन् भने एक बैंकले ब्याजदर बढाएको हो ।
मंसिरमा वाणिज्य बैंकहरुको व्यक्तिगत मुद्दती निक्षेपको ब्याजदर औसतमा ०.२१ प्रतिशतले घटेको छ । वाणिज्य बैंकहरुले मंसिरमा व्यक्तिगत निक्षेपको ब्याजदर औसतमा ५.९७ प्रतिशत ब्याज दिने भएका छन् ।
त्यस्तै, राष्ट्रिय वाणिज्य बैंकले भने व्यक्तिगत मुद्दती निक्षेपको ब्याजदर ०.२ प्रतिशतले बढाएको छ।
यता, मंसिरमा सबैभन्दा धेरै ब्याज माछापुच्छ्रे बैंकले घटाएको छ भने सबैभन्दा बढी ब्याज एनआईसी एशिया बैंकले दिने भएको छ । सबैभन्दा कम ब्याज लक्ष्मी सनराइज बैंकले ५.५ प्रतिशत ब्याज दिने भएको छ भने सबैभन्दा बढी ब्याज एनआईसी एशियाले व्यक्तिगत मुद्दती निक्षेपमा अधिकतम ६.७९ प्रतिशत ब्याज दिने भएको हो ।
