![# Mero Microfinance Laghubitta](https://blogger.googleusercontent.com/img/b/R29vZ2xl/AVvXsEhhTQvqEWPGjy-rTzxLPkij8g6jsOq_9WYJJMycPmYTiM_YmrpY2qGGIbb9L6-hVDG_3IzVeDf3_YRQXy-MFEslbIiyoMpoa76hz3mIYd8E8UX-V6wlXMWhfvNVGrMs_9OnwwS4NY0vJfnY/s16000/meromicrifinance.jpg)
- बैंकिङ संसार
महोत्तरी । मेरोमाइक्रोफाइनान्स लघुवित्त वित्तीय संस्था लिमिटेडले फिल्ड सहायक कर्मचारीहरुलाई कार्यदक्षता अभिवृद्धि, सामाजिक परिचालन तथा धितो प्रमाणीकरण सम्बन्धी तालिम सम्पन्न गरेको छ । महोत्तरीको बर्दिबासमा भएको समापन समारोहलाई सम्बोधन गर्नुहुदै संस्थाका प्रमुख कार्यकारी अधिकृत रामहरी दाहालले फिल्डमा कार्य गर्ने कर्मचारीहरुको विशेष जिम्मेवारी रहन्छ । साथै यस किसिमको तालिमले कर्मचारीहरुको कार्यकुशलता बढ्ने र कर्मचारीले यस्ता तालिमबाट आफुले सिकेको कुरा व्यवहारमा ल्याउनुपर्ने बताए ।
दुई दिनसम्म सञ्चालन भएको उक्त तालिममा संस्थाका अनुगमन कार्यालय लालगढ धनुषा र डुमरिया रौतहट अन्तर्गतका सम्पूर्ण फिल्डका कर्मचारीहरुको सहभागिता रहेको थियो । सो अनुगमन कार्यालय लालगढ अन्तर्गत ४ जिल्लाका १० शाखा कार्यालय र डुमरिया अन्तर्गत ३ जिल्लाका १० शाखा कार्यालयका ६५ जना कर्मचारीहरुको सहभागीता रहेको थियो । तालिममा कर्मचारीहरुलाई फिल्डसम्बन्धी विभिन्न प्रकारका जोखिम तथा अनुपालन सम्बन्धमा जानकारी गराइनुका साथै सम्भावित जोखिमका प्रभाव एवम् जोखिम न्यूनिकरण सम्बन्धी उपायहरु बारे सहभागीहरुलाई तालिम दिइएको थियो ।
कार्यक्रममा सहभागी कर्मचारीहरूले उक्त तालिमबाट काम गर्ने हौसला मिल्नुका साथै ब्यवहारिक र निकै लाभदायक भएको बताएका थिए । यस प्रकृतिका तालिमलाई भविष्यमा पनि निरन्तरता दिइने र कर्मचारीहरुलाई काममा उत्प्रेरणा जगाउने लक्ष्य लिइएको संस्थाले जनाएको छ । मेरोमाइक्रोफाइनान्स लघुवित्त वित्तीय संस्था लिमिटेड नुवाकोटको बट्टारमा कर्पोरेट कार्यालय रहि देशका ६० जिल्लामा १३० शाखा कार्यालय मार्फत करिब १ लाख ३० हजार घरपरिवारहरुमा वित्तीय सेवा पुर्याउदै आएको छ ।