काठमाडौँ । सिटिजन्स बैंकको नाफा घटेको छ । बैंकको नाफा २७.९७ प्रतिशतले घटेको हो ।
बैंकको गत आर्थिक वर्षको चौथो त्रैमाससम्मको अपरिस्कृत वित्तीय विवरण अनुसार बैंकले गत आर्थिक वर्षको असार मसान्तसम्म १ अर्ब ३४ करोड २४ लाख रुपैयाँ खुद नाफा कमाएको छ । अघिल्लो आर्थिक वर्षको उक्त अवधिमा बैंकले १ अर्ब ८६ करोड रुपैयाँ खुद नाफा कमाएको थियो ।
यसैगरी बैंकको खुद ब्याज आम्दानी पनि घटेको छ । बैंकको खुद ब्याज आम्दानी २.४४ प्रतिशतले घटेको हो ।
यता बैंकको प्रतिसेयर आम्दानी (ईपीएस) ३ रुपैयाँ ६७ पैसाले घटेर ९ रुपैयाँ ४५ पैसा कायम भएको छ । साथै, बैंकको प्रतिसेयर नेटवर्थ १ सय ५१ रुपैयाँ ८१ पैसा रहेको छ ।
