काठमाडौँ । बैंकिङ प्रणालीको निक्षेप संकलन ११ अर्बले बढेको छ । नेपाल राष्ट्र बैंकले सार्वजनिक गरेको तथ्यांक अनुसार एक सातामा बैंकिङ प्रणालीको निक्षेप संकलन ११ अर्बले बढेको हो ।
बैंकिङ प्रणालीमा जेठ १ गतेसम्म ६१ खर्ब ८६ अर्ब रुपैयाँ बराबरको निक्षेप संकलन भएको छ ।
त्यस्तै, गत वैशाख २५ गतेसम्म ६१ खर्ब ७५ अर्ब रुपैयाँ बरारबको निक्षेप संकलन भएको थियो । पहिलो साताको तुलनामा बैंकिङ प्रणालीको निक्षेप संकलन ११ अर्बले बढेको हो ।
बैंकहरुको कर्जा निक्षेप अनुपात (सीडी रेसियो) ८०.३९ प्रतिशतबाट घटेर ८०.३५ प्रतिशत कायम भएको छ । अन्तरबैंक ब्याजदर भने स्थिर भएको छ ।
