काठमाडौं । सानिमा बैंक लिमिटेडले आफ्नो स्वामित्वमा रहेको प्रयोग गरिएको होन्डा एक्टिभा स्कुटर सिलबन्दी बोलपत्र प्रक्रियामार्फत बिक्री गर्ने भएको छ। बैंकले सार्वजनिक सूचना जारी गर्दै इच्छुक व्यक्ति तथा संस्थालाई बोलपत्र पेस गर्न आह्वान गरेको हो।
बैंकका अनुसार लिलाम बिक्री गर्न लागिएको स्कुटर सन् २०१६ मा निर्मित होन्डा एक्टिभा रहेको छ। उक्त स्कुटरको दर्ता नम्बर को २८ प ४१३८ रहेको छ। इच्छुक बोलपत्रदाताले स्कुटरको निरीक्षण सानिमा बैंकको धरान शाखामा गएर गर्न सक्नेछन्।
बैंकले जारी गरेको सूचना अनुसार इच्छुकले बोलपत्र फाराम खरिद गरी २०८३ असोज ३० गते (१६ अक्टोबर २०२६) भित्र कार्यालय समयमा सिलबन्दी बोलपत्र पेस गर्नुपर्नेछ।
लिलाम प्रक्रियाबाट स्कुटर खरिद गर्ने सफल बोलपत्रदाताले खरिदसँग सम्बन्धित सम्पूर्ण खर्च, लागू हुने कर तथा अन्य शुल्क आफैँले व्यहोर्नुपर्नेछ। लिलाम बिक्रीसम्बन्धी थप जानकारीका लागि इच्छुक व्यक्ति तथा संस्थाले सानिमा बैंकको सामान्य सेवा विभाग वा धरान शाखामा सम्पर्क गर्न सक्नेछन्।
