काठमाडौं । अघिल्लो आर्थिक वर्ष घाटामा रहेको उन्नति सहकार्य लघुवित्त वित्तीय संस्थाले गत वर्ष भने उल्लेखनीय नाफा कमाउन सफल भएको छ। कम्पनीले सार्वजनिक गरेको आर्थिक वर्ष २०८०/८१ को चौथो त्रैमासिक वित्तीय विवरणअनुसार ५ करोड २४ लाख रुपैयाँ खुद नाफा आर्जन गरेको छ।
अघिल्लो आर्थिक वर्षको यही अवधिमा कम्पनीले ९४ लाख रुपैयाँ घाटा व्यहोरेको थियो। तर हाल ब्याज आम्दानी, फी तथा कमिसन आम्दानी र कुल सञ्चालन आम्दानीमा भएको वृद्धिले नाफामा सकारात्मक प्रभाव पारेको देखिएको छ।
यस्तै कम्पनीको ब्याज आम्दानी ५४ करोड २८ लाख रुपैयाँ, कमिसन तथा फी आम्दानी ४ करोड ३२ लाख रुपैयाँ र कुल सञ्चालन आम्दानी ३१ करोड ३६ लाख रुपैयाँ रहेको छ।
यता प्रति सेयर आम्दानी २१.२४ रुपैयाँ छ भने वितरणयोग्य मुनाफा ४ करोड ८ लाख रुपैयाँ रहेको छ। साथै प्रति सेयर नेटवर्थ १४८.२१ रुपैयाँ र प्रति सेयर कुल सम्पत्तिको मूल्य १ हजार ६ सय ४०.४८ रुपैयाँ रहेको छ । लघुवित्तको नाफा वृद्धिले कम्पनीको व्यवस्थापन र वित्तीय अनुशासनमा सुधार आएको संकेत गर्दछ। आगामी दिनमा अझ प्रभावकारी सञ्चालनले संस्थालाई थप बलियो बनाउने विश्वास गरिएको छ।
