National

नेपाल बैंक लिमिटेड र त्रि.वि व्यवस्थापन केन्द्रीय विभागबीच सम्झौता, अनुसन्धान सम्बन्धि कार्यमा सहकार्य गर्ने उद्देश्य

Nepal Bank
  • बैंकिङ संसार
काठमाडौँ । नेपाल बैंक लिमिटेड र त्रिभुवन विश्वविद्यालय व्यवस्थापन केन्द्रीय विभागबीच अनुसन्धान सम्बन्धि कार्यमा सहकार्य गर्ने सम्बन्धमा सम्झौता भएको छ । उक्त सम्झौता अनुसार त्रिभुवन विश्वविद्यालय व्यवस्थापन केन्द्रीय विभागमा अध्ययनरत विद्यार्थीहरुले नेपाल बैंकमा इन्टर्नशिप गर्न पाउने भएका छन् भने सो विभागका विद्यार्थीहरु र प्राध्यापकहरु मार्फत नेपाल बैंकले आर्थिक तथा बैंकिङ क्षेत्रमा आफ्ना अनुसन्धानात्मक कार्यहरु संचालन गर्नेछ ।
बैंकको अनुसन्धान सम्बन्धी कार्यको लागि व्यवस्थापन विभागले विषय विज्ञको रुपमा प्राध्यापकहरूको सूची बैंकलाई उपलब्ध गराउनेछ र सो सूची अन्तर्गतका प्राध्यापकहरुलाई आवश्यकता अनुसार बैंकले अनुसन्धानको लागि विषय विज्ञका रूपमा नियुक्त गर्नेछ । त्यसैगरी बैंकले गरेका अनुसन्धान सम्बन्धी कार्यमा व्यवस्थापन विभागमा सञ्चालित शैक्षिक कार्यक्रमहरू एमबिए र एमबिएममा अध्ययनरत विद्यार्थीहरूलाई ग्राजुएसन रिसर्च प्रोजेक्ट (जिआरपी) अन्तर्गत शोधपत्र लेखनका लागि छात्रवृत्तिस्वरूप न्यूनतम ५ जना विद्यार्थीहरूलाई बैंकले प्रति विद्यार्थी नगद रु. तीस हजार प्रदान गर्ने बैंकले जनाएको छ ।
बैंकले व्यवस्थापन विभागमा एमविए ईन कर्पोरेट लिडरसिपमा अध्ययन गरेका १ जना छात्र र १ जना छात्रा गरी दुई जना सर्वोत्कृष्ट विद्यार्थीहरूलाई प्रत्येक शैक्षिक सत्रमा नगद र मेडल सहित ‘नेपाल बैंक कर्पोरेट लिडरसिप अर्वाड’ समेत प्रदान गरिने बैंकले जनाएको छ । मिति २०७९ श्रावण २४ गते नेपाल बैंक लि।को प्रधान कार्यालयमा सम्पन्न सो सम्झौतापत्रमा त्रिभुवन विश्वविद्यालय केन्द्रीय व्यवस्थापन बिभागका निमित्त बिभागीय प्रमुख सह-प्राध्यापक नवराज अधिकारी र नेपाल बैंक लिमिटेडका सहायक प्रमुख कार्यकारी अधिकृत होम बहादुर खड्काले हस्ताक्षर गरेका थिए ।
सो कार्यक्रममा बैंकका प्रमुख कार्यकारी अधिकृत कृष्ण बहादुर अधिकारीले त्रि.वि व्यवस्थापन केन्द्रीय विभागसँगको सहकार्यले नेपाल बैंकको अनुसन्धान सम्बन्धि कार्यमा ठूलो मद्दत पुग्ने विश्वास व्यक्त गरेका छन्। त्रिभुवन विश्वविद्यालय व्यवस्थापन केन्द्रीय विभागका नि।विभागीय प्रमुख सह प्राध्यापक नवराज अधिकारीले नेपालको पहिलो बैंकसँग आफ्ना विद्यार्थी र प्राध्यापकहरुले अनुसन्धानात्मक कार्यमा सहकार्य गर्नु गर्वको विषय रहेको धारणा व्यक्त गर्नुका साथै उनले सो अवसर प्रदान गरेकोमा बैंकलाई धन्यवाद समेत व्यक्त गरेका थिए ।
सो कार्यक्रममा त्रि.वि व्यवस्थापन विभागका एमविए प्रोगाम डाइरेक्टर सह-प्राध्यापक ज्ञान मणी अधिकारी,सह-प्राध्यापक डा.धुब्रलाल पाण्डेय,डा।बलराम दुवाल र डा.भरतसिंह थापाको समेत उपस्थिती रहेको थियो भनै बैंकका तर्फबाट नायव प्रमुख कार्यकारी अधिकृत समता पन्त, सहायक प्रमुख कार्यकारी अधिकृत बिश्वराज बराल, बजारीकरण तथा अनुसन्धान डिभिजन प्रमुख अर्जुन बहादुर कंडेल,कम्पनी सचिव केशब भण्डारी लगायतको उपस्थिती रहेको थियो ।

सारांश

सम्बन्धित शिर्षक

प्रतिक्रिया दिनुहोस्