![# National Microfinance Laghubitta](https://blogger.googleusercontent.com/img/b/R29vZ2xl/AVvXsEiOgjaIW6D6BVJgWk9Pvb-3AzTmMa_FAUatDQDwYGYSOaJ5p_6fQxFJinXUBqVF_oLxhopRgY8qCb5_c81WCxw1UFiJLTTqYN_ErrljwnVuDF5fj0C6cfjOuJ7xv4Pp45bpPufkFkHjkCb5/s16000/NATIONAL-MICROFINANCE-LAGHU.jpg)
- बैंकिङ संसार
काठमाडौं । नेशनल माइक्रोफाइनान्स लघुवित्त वित्तीय संस्थाको संस्थापक सेयर मंसिर १७ गते बुधवारदेखि लिलामीमा बिक्री खुल्ला हुने भएको छ । कम्पनीले १० लाख ४ हजार कित्ता संस्थापक सेयर लिलामीमा बिक्री गर्न लागेको हो । उक्त सेयरमा आवेदकले पुस १ गतेसम्म आवेदन गर्न सक्ने भएका छन् ।
सेयरको न्युनतम मुल्य प्रतिसेयर ७२५ तोकिएको हुँदा सो वा सो भन्दा बढी मूल्य अंकित गरी बोलकबोल गर्नु पर्नेछ । उक्त सेयर खरीदको लागि बोलकबोल गर्दा न्युनतम १ हजार कित्ताको लागि आवेदन दिनु पर्ने भएको छ । यस्तै अधिकतम सेयर संख्याको लागि कुनै हद नलाग्ने कम्पनीले जनाएको छ । कम्पनीको सेयर बिक्रि प्रबन्धकमा एनआइबिएल एस क्यापिटल लिमिटेड रहेको छ ।