![# National Life Insurance](https://blogger.googleusercontent.com/img/b/R29vZ2xl/AVvXsEhQ96zXgiChwMsqsoYniep9ZSusUfu8B02tqn_qvMS3Ar7Gsqa_ki2Lt37WGoVBLwVf4ixkYqWQpQf0PG4yHTMkh4f8kKfX0eMt8zK2QrudzOHFwDy-4eF2fJUhcJSsAYmWqRv_tCukVYo9/s16000/NATIONAL-LIFE-INSURANCE.jpg)
- बैंकिङ संसार
काठमाडौं । नेशनल लाइफ इन्स्योरेन्स कम्पनी लिमिटेडको प्रस्तावित लाभांश परिमार्जन भएको छ । कम्पनीको उक्त लाभांश बीमा समितिको निर्देशन अनुसार परिमार्जन भएको हो । कम्पनीले यसअघि प्रस्ताव गरेको १७.५ प्रतिशत लाभांशलाई परिमार्जन गरी अब १०.५३ प्रतिशत लाभांश दिने भएको हो ।
यससँगै कम्पनीले आर्थिक वर्ष २०७५/७६ को नाफाबाट सेयरधनीलाई १० प्रतिशत बोनस र ०.५३ प्रतिशत नगद (कर प्रयोजनको लागि) लाभांश वितरण गर्ने भएको छ । जुन यसअघि प्रस्ताव गरेको लाभांश भन्दा घटी हो । लाभांशदर घटेपनि कम्पनीले बोनसदरलाई बढाएर नगद लाभांशलाई घटाई नयाँ प्रस्ताव गरेको हो । यसअघि कम्पनीले १५ प्रतिशत नगद लाभांश र २.५ प्रतिशत बोनस सेयर वितरण गर्ने प्रस्ताव गरेको थियो ।
जुन कम्पनीले बीमा समितिको निर्देशन अनुसार परिमार्जन गरी बोनसदर ८ प्रतिशतले बढाएर नयाँ प्रस्ताव गरेको हो । उक्त प्रस्तावलाई बीमा समितिले स्वीकृत गरेपछि र कम्पनीको आगामी वार्षिक साधारणसभाले पारित गरेपछि मात्र सेयरधनीरुले पाउने भएका छन् । हाल कम्पनीको चुक्ता पुँजी ३ अर्व ८ करोड रुपैयाँ रहेको छ ।